„მტკვარიჰესზე“ გაფიცული მუშები იურიდიულ დახმარებას ითხოვენ

საპროტესტო აქციის მონაწილეები, რომლებიც სახელფასო ანაზღაურებასა და სამუშაო პირობებს აპროტესტებენ აცხადებენ, რომ ხელშეკრულებების გარეშე მუშაობენ.

რამდენიმე წუთის წინ გაფიცულ მუშებთან სამუშაოების ზედამხედველი გამოვიდა. მისი თქმით, ხელმძღვანელები გაფიცულებთან შეხვედრას ხვალ, 3 ნოემბერს შეძლებენ. თუმცა, კომპანიის წარმომადგენლები მხოლოდ 10 კაცს შეხვედებიან და ეს 10 მუშა გაფიცულებმა თავად უნდა შეარჩიონ.

სამუშაოების ხელმძღვანლემა ,,სამხრეთის კარიბჭესთან“ კომენტარის გაკეთებაზე უარი განაცხადა.

საპროტესტო აქციის მოაწილეები მის წინადადებას დათანხმდნენ, თუმცა განაცხადეს, რომ დაშლას არ აპირებენ. მათ საკუთარი მოთხოვნები დაწერეს, ხელი მოაწერეს და გეგმავენ, რომ ის ხვალ კომპანია ,,საქენერგორემონტის“ წარმომადგენლებს გადასცენ.

,,ჩვენ ბეტონის მუშები ვართ. 100–ზე მეტი ვმუშაობდით და ახლა 62 კაცი დავრჩით მარტო. არ დავიშლებით, რადგან რომ დავიშალოთ ჩვენც გაგვიშვებენ“– აცხადებენ გაფიცული მუშები.

შეგახსენებთ, რომ სოფელ რუსთავთან, დღეს, ,,მტკვარიჰესზე“ მომუშავეები დილის 08:30 საათიდან გამოვიდნენ. მათი მთავარი მოთხოვნა ანაზღაურებას უკავშირდება.

[თინათინ ზაზაძე, ასპინძა]