"მტკვარიჰესზე“ გაფიცული მუშები ხელმძღვანელობას ხვდებიან

დღეს, 3 ნოემბერს, ხელმძღვანელობასთან მოსალაპარაკებლად, "მტკვარიჰესზე“ გაფიციული მუშებიდან ათი მათგანი შეირჩა.
როგორც "სამხრეთის კარიბჭესთვის“ გახდა ცნობილი, მუშებს მშენებელი კომპანიის "საქენერგორემონტმშენის“ გენერალური უფროსი და სამეურვეო საბჭოს უფროსი თემურ კეკელიძე შეხვდება.

ათ გაფიცულ თანამშრომლეთან ერთად, მოსალაპარაკებლად შევიდა "ახალგაზრდა იურისტთა ასოციაციის“ წარმომადგენელიც. სამშენებლო ობიექტზე კი დანარჩენი 90–მდე თანამშრომელი პროტესტს აგრძელებს. მათ ხელმძღვანელობის ოფისთან გადაინაცვლეს და მოლაპარაკების შედეგს ელოდებიან.

შეგახსენებთ, რომ "მტკვარიჰესზე“ დასაქმებული მუშები მეორე დღეა საპროტესტო აქციას მართავენ. მათი მთავარი მოთხოვნაა, ბოლო ერთ კვირაში გათავისუფლებული 50–მდე ადამიანი კომპანიამ სამსახურში აღადგინოს, მუშებს ხელშეკრულები გაუფორმდეთ და ისინი დღიურ ანაზღაურებაზე გადავიდნენ.

[თინათინ ზაზაძე, ასპინძა]