'მტკვარიჰესზე' გაფიცული მუშების მოთხოვნები კომპანიამ არ დააკმაყოფილა

როგორც მოლაპარაკებიდან გამოსული ათი მუშა აცხადებს, "საქენერგორემონტმშენი“ მხოლოდ გათავისუფლებული მუშების სამსახურში დაბრუნებას დათანხმდა, თუმცა მათივე ინფორმაციით, სამუშაოზე მხოლოდ იმ მუშებს დააბრუნებენ, რომლებიც კვალიფიციურები არიან.

რაც შეეხება, ხელშეკრულებების დადებასა და დღიურ ანაზღაურებას, მუშების განმარტებით, "საქენერგორემონტმშენის“ უფროსმა აღნიშნული მოთხოვნების შესრულებაზე უარი თქვა.

დღესვე, მოლაპარაკებისას, ათ მუშასთან ერთად იმყოფებოდა "ახალგაზრდა იურისტთა ასოციაციის" წარმომადგენელი, თუმცა მან კომენტარზე უარი განაცხადა.

ამ დროისათვის "მტკავრიჰესის“ სამშენებლო ობიექტზე შეკრებილი 90–მდე მუშა არ იშლება. ისინი ერთობლივად მსჯელობენ რა გადაწყვეტილება მიიღონ. "სამხრეთის კარიბჭესთან“ განმარტავენ, რომ თუკი ხელმძღვანელობასთან შეთანხმებას ვერ მიაღწევენ, ობიექტზე შესასვლელ გზას გადაკეტავენ და სამუშაოებს შეაფერხებენ.

შეგახსენებთ, რომ "მტკვარიჰესზე“ გაფიცულ თანამშრომლებს შორის, მხოლოდ ბეტონზე მომუშვე მუშები არიან. საპროტესტო აქციის მიუხედავად, ობიექტის ტერიტორიაზე მძიმე ტექნიკა მაინც მუშაობს.

[თინათინ ზაზაძე, ასპინძა]