“მტკვარიჰესზე“ გაფიცულმა მუშებმა პროტესტი შეწყვიტეს

ორი დღის წინ „მტკვარიჰესზე“ პროტესტის გამო შეჩერებული სამშენებლო სამუშაოები დღეს, 4 ნოემბერს ისევ განახლდა.

„მოვილაპარაკეთ და გადავწყვიტეთ მუშაობა გაგვეგრძელებინა. მთელი ბრიგადა ვმუშაობთ“, – განაცხადა ომარ ბალახაშვილმა.

შეგახსენებთ, რომ „მტკვარიჰესზე“ დასაქმებულმა 60–მდე მუშამ 1 ნოემბერს საპროტესტო აქცია გამართა, მათ ბოლო ერთ კვირაში გათავისუფლებული მუშებიც შეუერთდნენ. ისინი ხელფასის შემცირებას და გათავისუფლებული თანამშრომლების სამსახურში აღდგენას ითხოვდნენ.

მუშებს აქამდე დღიური ანაზღაურება ჰქონდათ და შესაბამისად მაღალ ხელფასს იღებდნენ. ბოლო ერთ თვეში კი ხელფასი შესრულებული სამუშაოს მიხედვით მიიღეს, რამაც მათი პროტესტი გამოიწვია. მიუხედავად პროტესტისა კომპანიის ხელმძღვანელობამ გადაწყვეტილება არ შეცვალა. მუშები მათ პირობებს დათანხმდნენ.

[თინათინ ზაზაძე, ასპინძა]