არჩევნების მეორე ტურის თარიღი გაირკვა

რაც შეეხება განმეორებით კენჭისყრას, ცესკოს ცნობით, განმეორებითი კენჭისყრა 22 ოქტომბერს ჩატარდება. №36 მაჟორიტარული საარჩევნო ოლქის №36.22.48 საარჩევნო უბანზე (მარნეული) გაიმართება პარლამენტის მაჟორიტარული არჩევნები, ხოლო №66 მაჟორიტარული საარჩევნო ოლქის №66.67.38, №66.67.79 და №66.67.108 საარჩევნო უბნებზე (ზუგდიდი) - როგორც პარლამენტის მაჟორიტარული, ისე გამგებლის არჩევნები.

ცესკოს ცნობით, ცესკო სამართლებრივ აქტებს გამოსცემს, შესაბამისი პროცედურების დასრულების შემდეგ.

შეგახსენებთ, სამცხე–ჯავახეთის მასშტაბით, მაჟორიტარული არჩევნების მეორე ტური ახალციხე–ადიგენის ოლქში უნდა გაიმართოს. მეორე ტურში ორი კანდიდატი იქნება, ვაჟა ჩიტაშვილი, "ერთიანი ნაციონალური მოძრაობიდან", რომელმაც 8 ოქტომბერს ხმების 44,07% მიიღო და გიორგი კოპაძე, "ქართული ოცნებიდან", რომელსაც ამომრჩეველთა ხმების 39,65% ერგო.

გარდა ამისა, მეორე ტური იქნება ახალციხის მერის რიგგარეშე არჩევნებშიც. აქაც ერთმანეთს "ერთიანი ნაციონალური მოძრაობისა" და "ქართული ოცნების" კანდიდატები შეხვდებიან: ირაკლი ერეკლიშვილი (45,98%) და ვლადიმერ ზედგინიძე (36,99%).

[sknews.ge]