ცესკო: N44 ახალციხე–ადიგენის ოლქში ამომრჩეველთა მაღალი აქტივობა დაფიქსირდა

ამ მაჩვენებლით, ახალციხე–ადიგენი ყველაზე აქტიურ ოლქებს შორის მოხვდა.

ცესკოს ცნობით, მაჟორიტარული საარჩევნო ოლქების მიხედვით, წინასწარი მონაცემებით, ამომრჩეველთა ყველაზე მაღალი აქტივობა №37-ე მაჟორიტარული ოლქის მცხეთის საოლქო საარჩევნო კომისიის სამოქმედო ტერიტორიაზე დაფიქსირდა, სადაც ამომრჩეველთა აქტივობამ 62.53 % შეადგინა.

მაღალი აქტივობით გამოირჩეოდა №44-ე მაჟორიტარული ოლქის ახალციხე-ადიგენის საოლქო საარჩევნო კომისიების სამოქმედო ტერიტორია - 56.27% და №60-ე მაჟორიტარული ოლქის ლანჩხუთისა და ჩოხატაურის საოლქო საარჩევნო კომისიების სამოქმედო ტერიტორია - 52.27%.

ცესკოს ცნობით, საქართველოს მასშტაბით, მეორე ტურში ამომრჩეველთა 37.5%-მა მიიღო მონაწილეობა (929 265 ამომრჩეველი).

ცესკოს ინფორმაციით, არჩევნების დღემ საარჩევნო უბნებზე ძირითადად მშვიდ გარემოში ჩაიარა. ამომრჩევლებს ჰქონდათ შესაძლებლობა საკუთარი ნება გამოეხატათ და არჩევანი დაეფიქსირებინათ საარჩევნო უბნებზე.

[sknews.ge]