მთაწმინდის ოლქში შუალედური არჩევნების მეორე ტური მიმდინარეობს

31-ვე საარჩევნო უბანი 08:00 საათზე, დროულად გაიხსნა. ჯამში, აღნიშნულ ოლქში რეგისტრირებულია 43 909 ამომრჩეველი.

ამომრჩევლები ხმას იმავე საარჩევნო უბანზე აძლევენ, რომელიც მათთვის 19 მაისის არჩევნებისთვის გაიხსნა.

არჩევნების მეორე ტურში ორი კანდიდატი მონაწილეობს: N13 შალვა შავგულიძე და N41 ვლადიმერ კახაძე.

არჩევნების პირველ ტურში, მთაწმინდაზე „ქართული ოცნების“ კანდიდატმა ლადო კახაძემ ამომრჩეველთა ხმების 41% მიიღო, „ევროპული საქართველო - თავისუფალი დემოკრატების“ ბლოკის კანდიდატმა შალვა შავგულიძემ კი - 36,83%.

19 მაისს, შუალედური არჩევნები მთაწმინიდის ოლქის გარდა, ქვეყნის სხვა საარჩევნო ოლქებშიც ჩატარდა, მათ შორის N38 ადიგენის საარჩევნო ოლქის, N2 აბასთუმნის საარჩევნო უბანზე, სადაც მუნიციპალიტეტის საკრებულოში დეპუტატი აირჩიეს. არჩევნებში ხმათა უმრავლესობა "ქართული ოცნების" კანდიდატმა გენადი ბოლქვაძემ მიიღო.

[sknews.ge]