დღეს პარლამენტის მაჟორიტარული არჩევნების მეორე ტური ტარდება

#44 ახალციხე–ადიგენის ოლქში მაჟორიტარობის კანდიდატები არიან გიორგი კოპაძე, "ქართული ოცნებიდან" და ვაჟა ჩიტაშვილი "ერთიანი ნაციონალური მოძრაობიდან". არჩევნების პირველ ტურში ვაჟა ჩიტაშვილმა ამომრჩეველთა ხმების 44.07%, გიორგი კოპაძემ კი 39.65% მიიღო.

მაჟორიტარული არჩევნების მეორე ტური, N44 ახალციხე–ადიგენის ოლქში, 53 საარჩევნო უბანზე ჩატარდება. აქედან, 18 უბანი ადიგენშია, 35 კი ახალციხეში.

N44 ახალციხე–ადიგენის ოლქში, არჩევნებისთვის, ამომრჩეველთა ერთიან სიაში, 50 272 ამომრჩეველია.


30 ოქტომბერს ახალციხის მერის რიგგარეშე არჩევნების მეორე ტურიც ტარდება.

მერის არჩევნებშიც, ისევე, როგორც მაჟორიტარულ არჩევნებში, "ქართული ოცნებისა" და "ერთიანი ნაციონალური მოძრაობის" კანდიდატები ხვდებიან, N41 ვლადიმერ ზედგინიძე და N5 ირაკლი ერეკლიშვილი.

პირველ ტურში, მათ შორის ხმები ასე გადანაწილდა:

N5 ირაკლი ერეკლიშვილი – 45,98%;
N41 ვლადიმერ ზედგინიძე – 36, 99%;

ახალციხის მერის არჩევნები ქალაქ ახალციხის 13 უბანზე ჩატარდება.

საარჩევნო უბნებში უკვე გახსნისთვის ემზადებიან. უბნები პირველ ამომრჩეველს 08:00 საათზე მიიღებს.
[sknews.ge]