ცესკოს მონაცემებით სამცხე-ჯავახეთში დასათვლელი ერთი საარჩევნო უბანი დარჩა

ასპინძა-ბორჯომისა და ნინოწმინდა-ახალქალაქის ოლქებში "ქართული ოცნების" კანდიდატებმა გაიმარჯვეს.ახალციხე–ადიგენის ოლქში "ნაციონალური მოძრაობის" კანდიდატმა, თუმცა რადგან მან 50%–იანი ზღვარი ვერ გადალახა, მეორე ტური ჩატარდება.

#44 ახალციხე-ადიგენის მაჟორიტარულ ოლქში ამ დროისთვი 53-დან 52 უბნია დათვლილი, ხმათა უმრავლესობით „ნაციონალური მოძრაობის" კანდიდატი ვაჟა ჩიტაშვილი ლიდერობს, მან ამომრჩეველთა ხმების 44.32% დააგროვა, „ქართული ოცნების“ კანდიდატმა გიორგი კოპაძემ კი 39.52%.

რაც შეეხება, #45-ე ასპინძა–ბორჯომის საარჩევნო ოლქს, აქ 70–ვე უბანია დათვლილი:

„ნაციონალური მოძრაობა“ ტარიელ ლონდარიძე 21.48%;
„ქართული ოცნება“ გედევან ფოფხაძე 51.08 %-ია.

#46 ახალქალაქი-ნინოწმინდის მაჟორიტარული ოლქშიც 89-იდან ყველა მათგანია დათვლილი, დეპუტატობის კანდიდატებზე კი ხმები ასე გადანაწილდა:

„ნაციონალური მოძრაობა“ არსენ კარაპეტიანი 16.92%-ია
„ქართული ოცნება“ ენზელ მკოიანი 63.72%-ია

რაც შეეხება ახალციხის მერის რიგგარეშე არჩევნებს, აქაც მეორე ტური უნდა ჩატარდეს.

13–ვე უბნის მონაცემებით "ერთიანი ნაციონალური მოძრაობის" მერობის კანდიდატმა ირაკლი ერეკლიშვილმა ხმების45.98% დააგროვა, "ქართული ოცნების" კანდიდატმა ვლადიმერ ზედგინიძემ კი 36.99%.

[ლუბა გიორგაძე, ახალციხე]