სამი კვირა არჩევნებამდე – რას ფიქრობს ხალხი

ნუგზარ ბარძიმაძე: არჩევნებზე აუცილებლად უნდა წავიდეთ და ხმა ჩვენს რჩეულს მივცეთ. რომ არ წავიდეთ, ჩვენს ბიულეტინს სხვა გამოიყენებს. რაც შეეხება მაჟორიტარებს, ვიცნობ გიორგი კოპაძეს, გედევან ფოფხაძესა და ნუგზარ პარუნაშვილს.


ტარიელ კურტანიძე: 8 ოქტომბერს არჩევნებზე აუცილებლად წავალთ და ავირჩევთ ჩვენს რჩეულს. ჩამოყალიბებული აზრი, ვინ უნდა ავირჩიო, უკვე მაქვს, მაგრამ თქვენ არ გეტყვით, ეგ ჩემი საიდუმლოა.


ალექსანდე როგავა: მუშა გლეხს პატივი უნდა სცენ თუ რა?! აი რატომ იკლავენ თავს პარლამენტში შესვლაზე?! არჩევნებზე აუცილებლად წავალ.



გოჩა ლაბაძე: აუცილებლად მივალ. ამომრჩევლის ბარათი უკვე მომიტანეს, მაგრამ ჯერ ჩემი რჩეული არ მყავს.



ტარიელ ჩუბინიძე: ეს არის პასუხისმგებლობის გრძნობა, რომელიც ჩემში არსებობს. პატივი უნდა ვცეთ ქვეყანას, მხარეს. მაჟორიტარობის კანდიდატებს ვიცნობ, „ქართული ოცნებიდან“ და „ნაციონალებიდან“. ორივე კარგი კანდიდატია. ჩემი რჩეული უკვე მყავს.


დათო მოდებაძე: არჩევნებზე მისვლა აუცილებელია. ყველა კანდიდატი ვიცი სათითაოდ. ყველას მოვუწოდებ, რომ მოვიდნენ და მხარი დაუჭირონ „ოცნებას“, „ქართული ოცნება“ ნომერ პირველია.


მარიამ გვარამაძე: ჯერ არ ვიცი კანდიდატები ვინ არიან. არჩევნებზე წავალ და ჩემ ნებას გამოვხატავ. ჩემი რჩეული უკვე მყავს, ეს ჩემი გადაწყვეტილებაა.



გრიგოლ ლაბაძე: ოჯახის ყველა წევრი მივდივართ არჩევნებზე. მე მხარს „ქართულ ოცნებას“ ვუჭერ. არჩევნებში მონაწილე ყველა კანდიდატს ვიცნობ.



ლევან მიქაბერიძე: აუცილებლად მივდივარ არჩევნებზე, ეს საყოველთაო ვალდებულებაა. მე ჩემი რჩეული უკვე მყავს, თუმცა საიდუმლოა. რაც შეეხება კანდიდატს, მხოლოდ გიორგი კოპაძეს ვიცნობ .


დავით მომცელიძე: არ ვიცი ვინ არიან მაჟორიტარობის კანდიდატები., მე უკვე მაქვს ჩემი პოზიცია, ვის უნდა მივცე ხმა, მაგრამ ჯერ არ ვამბობ.



ქეთევან ნაკაშიძე: მივდივარ თუ არა არჩევნებზე?! როგორ არა, არჩევნებზე აუცილებლად უნდა წავიდე იმისთვის, რომ რაღაც შეიცვალოს.



ნიკო მაღალდაძე: ყველა მოქალაქის ვალდებულებაა, რომ წავიდეს არჩევნებზე. მე უკვე მყავს ჩემი რჩეული პარტია.



მალხაზ მჭედლიძე: ჩემი ნება რომ იყოს, ყველას ვეტყოდი, რომ არჩევნებს ბოიკოტი გამოუცხადონ. ახალი ხალხი გვინდა, ახალი!




ელდარ ტალახაძე: გიორგი კოპაძეს ვიცნობ, არჩევნებამდე ჯერ დროა, მხარს ვის დავუჭერ, ჯერ არ ვიცი.



ჯოტო კუჭაძე: გიორგი კოპაძესა და ვაჟა ჩიტაშვილს ვიცნობ, სხვები არ ვიცი. ჯერ არ გადამიწყვეტია, ხმას ვის მივცემ.



ზაზა ზაზაძე: ცოტა ხანი ვიფიქრებ, ვინ რისი გამკეთებელია და შემდეგ გადავწყვეტ ვის მივცე ჩემი ხმა.



ლევონ გუკასიანი: კი, არჩევნებზე მივდივარ, მაგრამ ვინც გინდა, ის იყოს. ჯერ არ მყავს შერჩეული, ხმა ვის უნდა მივცე. მაჟორიტარობის კანდიდატებსაც არ ვიცნობ.



მალხაზ გოზალიშვილი: ვაჟა ჩიტაშვილს ვიცნობ, გიორგი კოპაძესაც. არჩევნებზე აუცილებლად წავალ,მაგრამ ხმას ვის მივცემ, ამაზე საუბრისგან თავს ვიკავებ.



შოთა ხითარიშვილი: ვაჟა ჩიტაშვილი ვიცი კანდიდატი, სხვა არ ვიცი. არჩევნებზე აუცილებლად უნდა წავიდე და ხუთიანი უნდა შემოვხაზო.



მკრტიჩ ამბარცუმიან: ჯერ არაფერი არ ვიცი, ვის მივცემ ხმას. ხომ უნდა მოვიდნენ და მითხრან რა უნდათ.



მიშა იგიტბაშიანი: რომელიც კარგი დეპუტატი იქნება, იმას მივცემ ხმას. ჯერ არ ვიცი.



[ვარლამ წიკლაური, ახალციხე]