ღორთუბნელ მოსწავლეებს გაკვეთილები ზედუბნის ადმინისტრაციულ შენობაში ჩაუტარდებათ

ღორთუბნის 35 მოსწავლე 2016–2015 სასწავლო წელს ზედუბნის ადმინისტრაციულ შენობაში ისწავლის. ადიგენის რესურსცენტრის ხელმძღვანელის ინგა ბოჭორიშვილის განმარტებით არასაკმარისი ფართის გამო გაკვეთილები ორ ცვლაში ჩატარდება.

სასწავლო პროცესი, როგორც სხვა საჯარო სკოლებშიც აქაც 15 სექტემბერს დაიწყო. ახალი სასწავლო წლის დაწყებასთან დაკავშირებულ საზეიმო ღონისძიებას ადიგენის საგანმანათლებლო რესურსცენტრის და განათლების სამინისტროს წარმომადგენლებიც ესწრებოდნენ, რომლებმაც პედაგოგებს და მოსწავლეებს ახალი სკოლის პროექტი გააცნეს.

შეგახსენებთ, რომ სოფელ ღორთუბანში სკოლა 2015 წლის 10 ივნისს, ღამით დაიწვა. ხანძრის შედეგად მთლიანად განადგურდა შენობა და ინვენტარი.

ღორთუბნის საჯარო სკოლის 37 მოსწავლე ერთი წლის განმავლობაში ერთერთი ადგილობრივის საცხოვრებელ სახლში სწავლობდა.

[თინათინ ზაზაძე, ადიგენი]