ჩუნჩხის დამწვარი სკოლა განათლების სამინისტროს წარმომადგენლებმა მოინახულეს

სამინისტროს ინფორმაციით, ჩუნჩხის სკოლაში სასწავლო პროცესი არცერთი დღით არ შეწყვეტილა. გაკვეთილების ჩასატარებლად გამოიყო სკოლის ახლოს მდებარე კეთილმოწყობილი, გარემონტებული შენობა. შენობაში შეტანილია ყველა საჭირო ინვენტარი (მერხები, დაფები და ა.შ.).

"სასწავლო პროცესი მიმდინარეობს შეუფერხებლად, როგორც სკოლის ძირითად შენობაში, ასევე გამგეობის მიერ გამოყოფილ ალტერნატიულ ფართში", – აცხადებენ განათლების სამინისტროში.

შეგახსენებთ, რომ ჩუნჩხის სკოლაში ხანძარი 1 ნოემბერს მოხდა. ხანძრის შედეგად, დაიწვა სკოლის დამხმარე ხის შენობა, სადაც განთავსებული იყო სკოლის სამი საკლასო ოთახი, სკოლის ბიბლიოთეკა და საბუნებისმეტყველო ლაბორატორია. ხანძრის შედეგად განადგურდა წიგნები და ლაბორატორიაში არსებული ინვენტარი.

სოფელ ჩუნჩხის საჯარო სკოლაში 80 მოსწავლე სწავლობს. მომხდარი ხანძრის გამო, დროებით, ახალ შენობაში სწავლას დაწყებითი კლასების მხოლოდ 9 მოსწავლე აგრძელებს.

[sknews.ge]