ახალქალაქში 250 აბონენტს ელექტროენერგია არ მიეწოდება

ახალქალაქში მაღალი ძაბვის სადენი გუშინ, 8 სექტემბერს დააზიანეს. „ენერგო–პრო ჯორჯიას" სამხრეთ საქართველოს ფილიალის საზოგადოებასთან ურთიერთობის სამსახურის წარმომადგენლის გიორგი ბალახაშვილის განმარტებით, სარემონტო ბრიგადა აქტიურად მუშაობს.

„ამ ეტაპისთვის გამორთულია 250 აბონენტი. ქალაქში დენი ბაზრის მიმდებარე ტერიტორიაზე არ აქვთ. მუშაობენ და საღამოსთვის ჩაირთვება“, – ამბობს გიორგი ბალახაშვილი.

მისივე თქმით, სადენის დაზიანების გამო გუშინ, 8 სექტემბერს დენი 1000–მდე აბონენტს არ ქონდა, თუმცა ეტაპობრივად მიწოდება აღდგა.

[თინათინ ზაზაძე, ახალქალაქი]