ახალციხეში 1 500–მდე აბონენტს ელექტროენერგია არ მიეწოდება

როგორც „ენერგო – პრო ჯორჯიას“ სამხრეთ საქართველოს ფილიალში განმარტავენ, დღეს 24 ოქტომბერს, ელექტროენერგიის მომსახურებით ვერ ისარგებლებენ გურამიშვილის ქუჩისა და მისი მიმდებარე ჩიხების, თამარაშვილის ქუჩის, რაბათისა და 9 აპრილის დასახლებების, ასევე ზარზმელის ქუჩის მაცხოვრებლები.

მთლიანობაში ელექტროენერგიის გარეშე 1 500–მდე აბონენტია დარჩენილი.

„ქვესადგურში სარეაბილიტაციო სამუშაოები მიმდინარეობს. ეს არ არის სერიოზული პრობლემა. დენი გათიშული იქნება 12:00–დან 16:00 საათამდე“, – განმარტავს ,,ენერგო–პრო ჯორჯიას“ სამხრეთ საქართველოს ფილიალის საზოგადოებასთან ურთიერთობის სამსახურის წარმომადგენელი გიორგი ბალახაშვილი.

[თაკო ფეიქრიშვილი, ახალციხე]