უამინდობის გამო ახალციხეში 8000 აბონენტს ელექტროენერგია არ მიეწოდება

დღეს, 4 მაისს, ელექტრო ენერგიის მიწოდება 8000 აბონენტს შეუწყდა. „ენერგო–პრო ჯორჯიას“ სამხრეთ საქართველოს ფილიალში განმარტავენ, რომ დაზიანების მიზეზი უამინდობა გახდა. ელექტრ ენერგიის აღდგენისათვის კი ვალეში ბრიგადა მუშაობს.

საზოგადოებასთან ურთიერთობის სამსახურის წარმომადგენლის, გიორგი ბალახაშვილის განმარტებით, ელექტროენერგიის მიწოდება 19:30 საათისათვის აღდგება.

"იმ ხაზიდან, საიდანაც მაცხოვრებლებს დენი მიეწოდებოდათ, 2 ანძა გადაბრუნდა. მნიშვნელოვანი დაზიანება არ არის. ამ ეტაპზე მიმდინარეობს სხვა ხაზებზე მიერთება, მაქსიმუმ ნახევარ საათში მომარაგება აღდგება“, - განმარტავს გიორგი ბალახაშვილი.

[თაკო ფეიქრიშვილი, ახალციხე]