როგორ განაწილდა ხმები ახალციხის მერობის კანდიდატებს შორის

N37 ახალციხის საოლქო კომისიის მონაცემებით, მიღებული ხმების პროცენტული მაჩვენებლით ახალციხის მერობის კანდიდატი „ერთიანი ნაციონალური მოძრაობიდან“ ირაკლი ერეკლიშვილი ლიდერობს.

უფრო ზუსტად მიღებული ხმების რაოდენობით პროცენტული მაჩვენებელი მერობის კანდიდატებს შორის ასე გადანაწილდა:

N1 ივანე გვარამაძე – "პაატა ბურჭულაძე – სახელმწიფო ხალხისთვის“ – 7,44%;
N5 ირაკლი ერეკლიშვილი – ბლოკი "ერთიანი ნაციონალური მოძრაობა“ – 45,98%
N8 ბესიკ ტაბატაძე – "საქართველოს პატრიოტთა ალიანსი“; – 2,72%;
N26 ჯუმბერ ინასარიძე – პარტია "ეროვნული ფორუმი“ – 6,86% ;
N41 ვლადიმერ ზედგინიძე – პარტია "ქართული ოცნება“ – 36, 99%;



ქალაქ ახალციხეში სულ 13 საარჩევნო უბანია, მათ შორის ვლადიმერ ზედგინიძე ირაკლი ერეკლიშვილის არჩევნებს მხოლოდ ორ, N8 და N3 უბნებზე უგებს. ყველა დანარჩენ უბანზე კი ერეკლიშვილი ლიდერობს.

N8 უბანი ახალციხის სახელმწიფო უნივერსიტეტის მეორე კორპუსში იყო განთავსებული და აქ ხმას 9 აპრილის, შოთა რუსთაველი, საფარის, ივანე გვარამაძისა და კოტე მარჯანიშვილის ქუჩებზე მცხოვრებლები აძლევდნენ. N3 უბანზე კი ასპინძის, ფარნავაზ მეფის, წმინდა დავითისა და კონსტანტინეს და ასევე გიორგი სააკაძის ქუჩები ირიცხება;

როგორც N 37 ახალციხის საოლქო კომისიის თავმჯდომარე თეა გავაშელი ამბობს, ახალციხის მერის არჩევნებისთვის მეორე ტური დაინიშნება: „50%–იანი ბარიერი ვერცერთმა მათგანმა ვერ გადალახა“.

მეორე ტურში ერთმანეთს „ოცნებისა“ დ „ნაციონალების“ კანდიდატი დაუპირისპირდება. არჩევნების მეორე ტური შედეგების შეჯამებიდან ორ კვირაში გამოცხადდება.

[თამუნა უჩიძე, ახალციხე]