‘ნაციონალები’ ხვალ სამცხე–ჯავახეთის მაჟორიტარებს წარადგენენ

შეხვედრა ღია ცის ქვეშ, შოთა რუსთაველის ძეგლთან, 12:00 საათზეა დაგეგმილი.

„ხვალ ოფიციალურად წარმადგენენ ამომრჩევლია წინაშე“, – ამბობს საპარლამენტო უმცირესობის წევრი, ახალციხისა და ადიგენის მაჟორიტარობის კანდიდატი ვაჟა ჩიტაშვილი.

შეგახსენებთ, ვაჟა ჩიტაშვილი მაჟორიტარობის კანდიდატად "ნაციონალურმა მოძრაობამ" მიმდინარე წლის 10 მაისს დაასახელა. სამცხე–ჯავახეთი პირველი რეგიონი იყო, სადაც კანდიდატი წარადგინეს.

ვაჟა ჩიტაშვილის თქმით, ხვალიდან „ნაციონალური მოძრაობის“ სამცხე–ჯავახეთის რეგიონული ოფისი წინასაარჩევნო კამპანიას ოფიციალურად დაიწყებს.

[ვარლამ წიკლაური, ახალციხე]