'ნაციონალები' ასპინძისა და ბორჯომის მაჟორიტარს წარადგენენ

შეხვედრა ვარძიაში, ღია ცის ქვეშ გაიმართება. ტარიელ ლონდარიძე ამჟამად პარლამენტში ასპინძის მაჟორიტარი დეპუტატია.

პარტიამ უკვე წარადგინა ოფიციალურად ახალციხე–ადიგენის მაჟორიტარობის კანდიდატი ვაჟა ჩიტაშვილი. ასევე, საპარლამენტო უმცირესობის წევრი.

„დიდი წარდგენა ვაჟას არ სჭირდება. მე მახსოვს, რომ 4 წლის წინაც ზუსტად ამ სკვერში წარვადგინეთ ვაჟა და ეს კარგად გვაქვს დაცდილი“, – განაცხადა წარდგენისას „ერთიანი ნაციონალური მოძრაობის“ ერთ–ერთმა ლიდერმა დავით ბაქრაძემ.

წარდგენის შემდეგ ამომრჩევლებს მიმართა კანდიდატმა და მათი მხარდაჭერის იმედი გამოთქვა.

დღეს სამცხე–ჯავახეთში იმყოფება პარტიის ახალი სახე, ვანო მერაბიშვილის ადვოკატი ოთო კახიძე, რომელმაც განაცხდა, რომ ძალიან ელოდებიან ვანო მერაბიშვილის საქმეზე სტრასბურგის სასამართლოს გადაწყვეტილებას, რომელიც ორ დღეში, 14 ივნისს, 12 საათზე გამოქვეყნდება.

[ვარლამ წიკლაური, ახალციხე]