ახალციხის ორ სკვერში უფასო WIFI დაამონტაჟეს

კომპანია „დელტაკომის“ თანამშრომლებმა სპეციალური მოწყობილობა დღეს, 31 აგვისტოს დაამონტაჟეს. სამუშაოების დასრულების შემდეგ, ადგილობრივებს უფასო ინტერნეტის სარგებლობა შეეძლებათ.

პირველი ოთხი თვის განმავლობაში WIFI სააბონენტოს მიკროსაფინანსო ორგანიზაცია „ბი-აი-ჯი“ გადაიხდის.

„მიკროსაფინანსო ორგანიზაციამ გადაწყვიტა, ახალციხელებისთვის საჩუქარი გაეკეთებინა და ამაში თანამონაწილეობა გაგვიწია „დელტაკომმა“, -განაცხადა „ბი-აი-ჯი“ მენეჯერმა ნიკოლოზ ხმალაძემ.

როგორც, „დელტაკომის“სამცხე-ჯავახეთის კურატორი გიორგი კახნიაშვილი განმარტავს, „ბი-აი-ჯი“-სთან ხელშეკრულების დასრულების შემდეგ, უფასო WIFI –ს სააბონენტოს ქალაქის მერია დაფარავს.

„ოთხი თვის შემდეგ, მერია აიღებს ვალდებულებას, ყოველ თვე თითო წერტილზე 150 ლარს გადაიხდის“, - განმარტავს კახნიაშვილი.

ცხრა აპრილისა და შოთა რუსთაველის ძეგლის მიმდებარე ტერიტორიების გარდა, „დელტაკომმა“ უფასო WIFI უკვე დაამონტაჟა რაბათში, თამარაშვილის ქუჩაზე და ახალციხის ცენტრალურ პარკში.

[sknews.ge]