ახალციხის ცენტრალურ პარკში WIFI განაახლეს

კომპანია „დელტა კომი“ ქსელის განახლებას ზაფხულის სეზონის მოახლოებას უკავშირებს.

როგორც „დელტა–ნეტის“ სამცხე ჯავახეთის კურატორის თანაშემწე გელა დალალიშვილი ამბობს, უფასო ინტერნეტი ახალციხის სხვა პარკებშიც დამონტაჟდება.

ახალციხის ცენტრალურ პარკში WIFI გასული, 2015 წლის აპრილში დამონტაჟდა. მისი დამონტაჟებისას კომპანიაში განგვიცხადეს, რომ ინტერნეტი დამონტაჟების წერტილიდან 50–70 მეტრის რადიუსში ვრცელდება და 200–მდე მსურველს სარგებლობა 24 საათის განმავლობაში შეუძლია.

დამონტაჟებიდან რამდენიმე თვეში მოწყობილობა მწყობრიდან გამოვიდა და 4 თვის განმავლობაში პარკში WIFI გამორთული იყო. წყვეტის შემდეგ, ინტერნეტი მიმდინარე წლის თებერვალში ჩაირთო.

[მარიამ ბარძიმაძე, ახალციხე]