ახალციხის ციხესა და თამარაშვილის ქუჩაზე უფასო WIFI დამონტაჟდა

თავისუფალი WIFI კომპანია "დელტაკომმა" დაამონტაჟა. კომპანიის თანამშორომლებმა სპეციალური აპარატურა ციხის ერთ–ერთი ქონგურზე დაამონტაჟეს.

"სიხშირე ულიმიტო იქნება, ეს სპეციფიურია უფასო wifi-სთვის, მაგრამ იქნება ხარისხიანი და სწრაფი ინტერნეტი“ ,– ამბობს "დელტაკომის“ სამცხე–ჯავახეთის კურატორი გიორგი კახნიაშვილი.

"დელტაკომის“ თანამშრომლების თქმით, ახალციხის ციხის ტერიტორიაზე ინტერნეტით სარგებლობა დაახლოებით 500–დან 700–მდე მომხმარებელს შეეძლება.

დღესვე, 11 ივლისს, უფასო wifi–ს გაშვება იგეგმება თამარაშვილის ქუჩის ტერიტორიაზეც.

"თამარაშვილის ქუჩაზე ინტერნეტი მოიცავს სადგურის, სუპერმარკეტ "სმარტისა“ და იუსიტიციის სახლის მიმდებარე ტერიტორიებს, ასევე ქუჩასთან ახლოს მდებარე პატარა სკვერებს. მისი დაფარვის ზონა დიდია, თუმცა ყველა აბონენტს უპრობლემოდ მოვემსახურებით“, – განმარტავს გიორგი კახნიაშვილი.

"დელტაკომის“ თავისუფალი ინტერნეტი 2015 წლის აპრილიდან ახალციხის ცენტრალური პარკის ტერიტორიაზეც ვრცელდება.



[თაკო ფეიქრიშვილი, ახალციხე]