პედაგოგთა გამოცდების შედეგები საგნების მიხედვით

2016 წელს, პედაგოგთა საგნის გამოცდაზე სულ 22 700 მასწავლებელი დარეგისტრირდა, მათი დაახლოებით 25% გამოცდაზე არ გამოცხადდა. ტესტირებაზე გასული პედაგოგებიდან კი გამოცდა წარმატებით მხოლოდ 20%–მა ჩააბარა.

სტატისტიკური მონაცემების მიხედვით, ყველაზე დაბალი შედეგი დაწყებითი კლასის პედაგოგებსა და პედაგოგობის მსურველებს აქვთ. გამოცდაზე გასული 3024 აპლიკანტიდან გამოცდა წარმატებით მხოლოდ 31–მა დასძლია.

საგნების მიხედვით პედაგოგთა შედეგები ასეთია:

• ქართული ენა და ლიტერატურა VII-XII კლასი – გამოცდაზე გავიდა – 836, ზღვარი წარმატებით გადალახა 376-მა;
• მათემატიკა VII-XII კლასი – გამოცდაზე გავიდა – 971, ზღვარი წარმატებით გადალახა 383-მა;
• ინგლისური ენა I-XII კლასი – გამოცდაზე გავიდა – 1278 ,ზღვარი წარმატებით დასძლია – 471-მა;
• რუსული ენა I-XII კლასი – გამოცდაზე გავიდა – 462, ზღვარი წარმატებით გადალახა – 193-მა;
• გერმანული ენა I-XII კლასი – გამოცდაზე გავიდა – 79, ზღვარი გადალახა 26-მა;
• ფრანგული ენა I-XII კლასი – გამოცდაზე გავიდა – 14 ,ზღვარი გადალახა 7-მა;
• ისტორია VII –XII კლასი – გამოცდაზე გავიდა – 877 , ბარიერი გადალახა 259-მა;
• გეოგრაფია VII-XII კლასი – გამოცდაზე გავიდა – 602, ზღვარი წარმატებით დასძლია 187-მა;
• სამოქალაქო განათლება VII-XII კლასი – გამოცდაზე გავიდა – 544, ზღვარი წარმატებით დასძლია 103-მა;
• ფიზიკა VII-XII კლასი – გამოცდაზე გავიდა – 368, ბარიერი გადალახა 21-მა;
• ქიმია VII-XII კლასი – გამოცდაზე გავიდა – 372, ზღვარი გადალახა 20-მა;
• ბიოლოგია VII-XII კლასი – გამოცდაზე გავიდა – 548, ზღვარი წარმატებით გადალახა 210-მა;
• მათემატიკა I- VI კლასი – გამოცდაზე გავიდა – 1676, ზღვარი წარმატებით დასძლია 271-მა;
• ბუნებისმეტყველება I-VI კლასი – გამოცდაზე გავიდა – 647, ზღვარი წარმატებით დაძლია 31-მა;
• სახვითი და გამოყენებითი ხელოვნება – გამოცდაზე გავიდა – 451, გადალახა ბარიერი 165-მა;
• ქართული როგორც მეორე ენა – გამოცდაზე გავიდა – 371 ბარიერი გადალახა 106-მა;
• ინფორმაციული და საკომუნიკაციო ტექნოლოგიები – გამოცდაზე გავიდა – 519 , ბარიერი გადალახა 89-მ;
• მუსიკა – გამოცდაზე გავიდა – 920, ზღვარი გადალახა 275-მა;
• სპორტი – გამოცდაზე გასული 747 აპლიკანტიდან ზღვარი გადალახა 173-მა.

მასწავლებელთა საგნის გამოცდების შედეგების შესახებ, შეფასებისა და გამოცდების ეროვნულმა ცენტრმა სპეციალური განცხადება გამოაქვეყნა.

"გამოცდის შედეგების გამოყენება მოქმედი პედაგოგების რაიმე სახით შეფასებისა თუ ზოგადად მასწავლებელთა კვალიფიკაციაზე მსჯელობისათვის, არასწორია. გთხოვთ გაითვალისწინოთ, რომ საგნის გამოცდაში მონაწილეობას იღებს, როგორც მოქმედი პედაგოგი, ისე მასწავლებლობის მსურველი“, – ვკითხულობთ განცხადებაში.

ამავე განცხადებაში განმარტებულია, რომ მასწავლებელთა საგნის გამოცდა სქემის ნაწილია და ტესტი მასწავლებლის სტანდარტებზე დაყრდნობით, სასერთიფიკაციო ტესტირების ყველა ნორმის დაცვით იქმნება.

[თაკო ფეიქრიშვილი, ახალციხე]