რატომ გაუჭირდათ პედაგოგებს გამოცდებზე ბარიერის გადალახვა [Video]

მთავარი → საზოგადოება » განათლება 17.03.2016

ჩატარებული გაკვეთილები თუ ჩაბარებული გამოცდები, რა განსაზღვრავს პედაგოგების ცოდნას. მასწავლებლების პროფესიულ გამოცდაზე რეგისტრირებული 10.552 მასწავლებლიდან ზღვარი მხოლოდ 17%–მა გადალახა.

შეგახსენებთ, პედაგოგთა ბოლო საგნობრივი გამოცდა მიმდინარე წლის იანვარში ჩატარდა. გამოცდაზე 10.552 პრაქტიკოსი პედაგოგი დარეგისტრირდა, მათგან ტესტირება 6.477-მა გაიარა, მინიმალური კომპეტენციის ზღვარი კი რომელიც 60%-ით განისაზღვრებოდა, 1 101-მა გადალახა. ოფიციალური მონაცემების თანახმად, ყველაზე ცუდი შედეგი დაწყებითი საფეხურის მასწავლებლებს აქვთ. კერძოდ, გამოცდაზე მისული 1.167 პედაგოგიდან კომპეტენციის დადასტურება მხოლოდ 94-მა პედაგოგმა, ანუ დაახლოებით 8.%-მა შეძლო.

განათლებისა და მეცნიერების მინისტრის თამარ სანიკიძის განცხადებით, მასწავლებელთა პროფესიული გამოცდების შედეგები სახარბიელო არ არის, თუმცა უკეთესის მოლოდინი არც იყო, გამომდინარე იქიდან, რომ პრობლემა წლებია არსებობს.

[თამუნა უჩიძე, ოთარ აწყურელი, ახალციხე]