'მიკრო გრანტები მთის განვითრებისთვის'- პროექტის პრეზენტაცია ახალციხეში

შეხვედრა, დღეს, 19 ივლისს, სამცხე–ჯავახეთის ადმინისტრაციულ შენობაში შედგა. პრეზენტაციას ადგილობრივი თვითმმართველობებისა და სამხარეო ადმინისტრაციის წარმომადგენლები, ასევე საკითხით დაინტერესებული პირები ესწრებოდნენ.

„მიკრო გარანტები მთის განვითარებისათვის“ ახალი პროექტია, რომელიც მთის განვითარების ეროვნულ საბჭოსთან თანამშრომლობით, მეწარმეობის განვითარების სააგენტომ შეიმუშავა.

27 ივნისიდან 29 ივლისის ჩათვლით სახელმწიფო პროგრამის „აწარმოე საქართველოში“ ფარგლებში დაინტერესებულ პირებს შეუძლიათ წარადგინონ საკუთარი ბიზნეს იდეები ვებგვერდზე www.qartuli.ge და საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს დახმარებით წამოიწყონ საკუთარი საქმე მთაში.

პროექტი საშუალებას იძლევა მაღალმთიან სოფლებში ბიზნესის განვითარებისთვის მოსახლეობამ სახელმწიფოს მხრიდან მიიღოს 5 000-დან 15 000 ლარამდე თანადაფინანსება და საკუთარ საცხოვრებელ ადგილზე წამოიწყოს ბიზნესი.

[ლუბა გიორგაძე, ახალციხე]