ახალციხის სატანკო ბაზაზე მყოფმა რეკრუტებმა ხერთვისის ციხე-სიმაგრე დაასუფთავეს

საწყისი საბრძოლო მომზადების ცენტრის რეკრუტები დროებით ახალციხის სატანკო ბაზაზე არიან განთავსებულნი. მათ კულტურული ტურის ფარგლებში, ხერთვისის ციხე-სიმაგრის დასუფთავებასთან ერთად, ვარძიის კლდეში ნაკვეთი კომპლექსიც დაათვალიერეს.

საწყისი საბრძოლო მომზადების ცენტრის მეთაურის, პოლკოვნიკ მამუკა ქავთარაძის თქმით, კულტურული ღონისძიებების მთავარი მიზანი ჯარის საზოგადოებასთან ინტეგრირება და სამხედროებისთვის ქვეყნის ისტორიული მემკვიდრეობის გაცნობაა.

”სამხედრო ცხოვრების პარალელურად დაგეგმოს და სისტემატურად განახორციელოს კულტურული ტურები, რაც ხელს უწყობს ჯარისკაცის კულტურულ-შემეცნებითი დონის ამაღლებას და მათ სამოქალაქო აქტივობას“,- განაცხადა პოლკოვნიკმა მამუკა ქავთარაძემ.

რეკრუტები, რომელიც ამჟმად ახალციხის სატანკო ბაზაზე იმყოფებიან, საქართველოს სხვადსხვა რეგიონიდან არიან.

[ლუბა გიორგაძე, ახალციხე]