ახალქალაქში საწყისი საბრძოლო მომზადების ცენტრი შენდება

ამის შესაქხებ ინფორმაციას თავდაცვის სამინისტრო ავრცელებს.

უწყების ცნობით ცენტრში დასრულებულია შენობების შიდა ინტერიერი, სველი წერტილები და გათბობა-გაგრილების სიტემების მონტაჟი. სამხედრო ნაწილის ტერიტორიაზე მიმდინარე სამუშაოების დასრულების შემდეგ საწყისი საბრძოლო მომზადების ცენტრი (BCT) მთლიანად ახალქალაქში დისლოცირდება. ცენტრი 800 რეკრუტის მომზადებაზე იქნება გათვლილი.

ახალი საბრძოლო მომზადების ცენტრის ტერიტორიაზე დაგეგმილია შიდა გზების, გარე განათების, სამწყობრო მოედანის, საკონტროლო გამშვები პუნქტებისა და ლაზარეთის მშენებლობა. ახალქალაქის საწყისი საბრძოლო მომზადების ცენტრის მშენებლობის პროცესს თავდაცვის მინისტრთან ერთად გენერალური შტაბის უფროსი გენერალ-მაიორი ვლადიმერ ჩაჩიბაია, მისი მოადგილე ნიკოლოზ ჯანჯღავა და თავდაცვის მინისტრის მოადგილე გიორგი ბუთხუზი გაეცნენ.

[sknews.ge]