სოფელ ჩუნჩხაში ძლიერმა სეტყვამ ნათესები გაანადგურა

შორენა თეთვაძის ფოტოები

ძლიერი სეტყვა და წვიმა სოფელ ჩუნჩხაში 10 ივლისს, დაახლოებით 16:30 საათზე დაიწყო. როგორც ადგილობრივები ამბობენ, დაზიანებულია ჰექტრობით სასოფლო–სამეურნეო სავარგულები, სადაც მოსახლეობას ძირითადად კარტოფილი და მარცვლეული კულტურები ეთესა.

"ჩვენთან მიწა ჰექტრობით მუშავდება და ყველაფერი განადგურდა. გარდა ამისა, სახლებთან, ეზოებში ვისაც ბოსტნეული ეთესა, სულ დაზიანდა. ზოგს აქვს დაზღვევა, მაგრამ მარცვლეული, როგორც ვიცი, დაზღვეული არ აქვთ.სოფლის გამგებელს მივაწოდეთ ინფომაცია, რომ მისულიყვნენ დ აადგილზე ენახათ“, – ამბობს ჩუნჩხაში მცხოვრები შორენა თეთვაძე.

ახალქალაქის მუნიციპალიტეტის გამგებლის, ედუარდ აღასარიანის თქმით, ამ დროისათვის, მათ ინფორმაცია მხოლოდ სოფელ ჩუნჩხის შესახებ აქვთ.

"ჯერ არ ვიცით, იყო თუ არა სტიქია სხვა სოფლებში. ახლა ვაზუსტებთ მონაცემებს. შექმნილია ზარალის დამთვლელი კომისია და იწავლობს ვითარებას. დაიტბორა თუ არა სახლები, ამის შესახებ ინფორმაცია ჯერ არ გვაქვს“, – ამბობს ედუარდ აღასარიანი.


შორენა თეთვაძის ფოტოები

[თაკო ფეიქრიშვილი, ახალქალაქი]