სოფელ ჩუნჩხაში სკოლის შენობა დაიწვა

სოფელ ჩუნჩხაში საჯარო სკოლის შენობას ცეცხლი დაახლოებით 13:30 საათზე გაუჩნდა. გამგებლის წარმომადგენელის განმარტებით ხანძარი სახურავში გაჩნდა, რის გამოც სკოლის შენობა მთლიანად დაიწვა.

"სასწავლო პროცესი მიმდინარეობდა, ბავშვების გამოყვანა მოვასწარით. სავარაუდოდ ღუმელისგან გაჩნდა, ხის შენობა იყო და მთლიანად დაიწვა", – აცხადებს გამგებლის წარმომადგენელი სოფელ ჩუნჩხაში გიორგი ზარიძე.


მისი თქმით, შემთხვევის ადგილზე მობილზებულია საპატრულო პოლიცია:"სასწრაფო სამედიცინო დახმარების გამოძახება არ გახდა საჭირო. ბავშვები კარგად არიან. ნაწილი სასკოლი ინვენტარი გამოვიტანეთ, ნაწილი დაიწვა".

აღნიშნულ სკოლაში მოსწავლეები ორი სოფლიდან:პტენიდან და ჩუნჩხიდან დადიოდნენ:"სკოლაში იმ დროს სოფელ პტენის მოსწავლეები იმყოფებოდნენ", – ამბობს გიორგი ზარიძე.

როგორც ახალქალაქის მუნიციპალიტეტის გამგებლის მოადგილე შალვა ბალახაშვილი განმარტავს. ჩუნჩხის საჯარო სკოლა ორ შენობაში იყო განთავსებული აქედან მხოლოდ ერთი დაიწვა, მეორე შენობას კი საფრთხე აღარ ემუქრება.

თვალი ადევნეთ ვებგვერდს. დეტალურ ინფორმაციას მოგვიანებით მოგაწვდით.

[თინათინ ზაზაძე, ახალქალაქი]