ახალქალაქში სეტყვამ ასობით ჰექტარზე ნათესები გაანადგურა

თვითმმართველობის ინფორმაციით, 20 ივლისს მოსული ძლიერი სეტყვისგან დასახლებებში სასოფლო– სამეურნეო სავარგულები, მათ შორის კარტოფილის, ხორბლის, ქერისა და სხვა კულტურების ნათესებია განდგურებული.

ზარალის შესახებ ინფორმაციას ახალქალაქის მერია, სამცხე–ჯავახეთის გუბერნიას დღეს, 23 ივლისს გადაუგზავნის.

"ზარალის დამთვლელმა კომისიამ სოფლებში უკვე იმუშავა. გვაქვს ფოტო მასალაც და ყველა საჭირო ინფორმაცია განადგურებული ნათესების შესახებ. რეაგირებისთვის გუბერნიას ვაცნობებთ", – განმარტავენ ახალქალაქის თვითმმართველობაში.

შეგახსენებთ, რომ ახალქალაქში ძლიერი სეტყვა 20 ივლისს მოვიდა. სტიქიამ ზოლად გადაირა და დააზიანა 13 სოფელი: ხოსპიო,მურჯახეთი, კარტიკამი, თახჩა, ბუზავეთი, ვაჩიანი, აფნია, აზმანა, ერინჯა, ქარცეფი, ოკამი, ხავეთი, დავნია.





[ლუბა გიორგაძე, ახალქალაქი]