კულტურის სამსახურს ახალი უფროსი ჰყავს

ახალციხის მუნიციპალიტეტის გამგებლის მოვალეობის შემსრულებლის ბესიკ ხითარიშვილის განმარტებით აღნიშნული თანამდებობა ვაკანტური მას შემდეგ გახდა, რაც ყოფილმა უფროსმა იური ზარიძემ თანამდებობა პირადი განცხადების საფუძველზე დატოვა. კახა კოპაძე მუშაობას 10 იანვრიდან შეუდგა.

კახა კოპაძე ამბობს, რომ კულტურის სფეროში მუშაობის გამოცდილება აქვს. რადგან სამი წლის განმავლობაში ”მესხეთის სახელმწიფო დრამატულ თეატრში” მმართველის მოადგილედ მუშაობდა.

კახა კოპაძემ 1991 წელს სასოფლო-სამეურნეო ინსტიტუტის აგრო-საინჟინრო ფაკულტეტი დაამთავრა. თუმცა, მას შემდეგ სხვადასხვა დროს სხვადასხვა სამსახურში მუშაობდა.

”ძალიან ბევრ სამსახურში მიმუშავია. მელიორაციის სადგურის ხელმძღვანელიც ვიყავი. 14 წელი შეიარაღებულ ძალებში ვიმსახურე. ამის შემდეგ, მესხეთის სახელმწიფო დრამატულ თეატრში ვმუშაობდი. ასევე, ვმუშაობდი ბუნებრივი რესურსების სააგენტოშიც”, - ამბობს კახა კოპაძე.

კულტურის, სპორტის, ძეგლთა დაცვისა და ახალგაზრდულ საქმეთა სამსახურში ამ ეტაპზე ხუთი თანამშრომელი მუშაობს. კახა კოპაძე განმარტავს, რომ საკადრო ცვლილებების განხორციელებას არ აპირებს. რადგან ამ სამსახურში გამოციდილი თანამშრომლები მუშაობენ.

[თამარ თოთაძე, ახალციხე]