მასწავლებელთა გამოცდის პირველ სესიაზე 121 არ გამოცხადდა

რეგისტრაცია დღეს, დილის 08:00 საათზე დაიწყო. პედაგოგებმა გამოცდები უცხო ენაში (ინგსლიური, რუსული, გერმანული),მუსიკაში, ხატვასა და ქართულში (ქართული, როგორც მეორე ენა) ჩააბარეს.

საგამოცდო პროცესი ხუთი საათის განმავლობაში გაგრძელდა. პედაგოგების ნაწილი ფიქრობს, რომ გამოცდა რთული არ იყო.

„მუსიკის გამოცდა ჩავაბარეთ. ადვილი არ იყო მაგრამ, თუ მოემზადებოდი, თავს გაართმევდი. ჩემი ნამუშავრით კმაყოფილი ვარ“, – ამბობს ასპინძის საჯაროს სკოლის მასწავლებელი ნინო მაისურაძე.

„ტრენინგები გავიარეთ და მომზადებულები ვიყავით. ნახევრად კომპიუტერული იყო, ნაწილი ფურცელზე დავწერე. იმედი მაქვს, რომ კარგ ქულებს მივიღებ“, – ამბობს ფერსის საჯარო სკოლის პედაგოგი ნატალია ვეფხვიაშვილი.

მეორე სესიაზე გამოცდებს სპორტისა და ინფორმატიკის მასწავლებლები ჩააბარებენ. აღნიშნულ გამოცდებზე 113 პედაგოგია რეგისტრირებული.

გარდა პედაგოგებისა, მეორე სესიაზე სტუდენტთა საგრანტო კონკურსის გამოცდაც ჩატარდება.

[თინათინ ზაზაძე, ახალციხე]