დღეს აბიტურიენტები გამოცდას უცხო ენაში აბარებენ

ისევე როგორც ამ დრომდე ჩატარებული გამოცდები, უცხო ენების გამოცდაც ორ სესიად ტარდება. პირველ სესიაზე 222 რეგისტრირებული აბიტურიენტიდან 6 არ გამოცხადდა. მეორე სესიაზე 225 აბიტურიენტია რეგისტრირებული.

ხვალ აბიტურიენტებს გამოცდა არ ექნებათ. 8 ივლისს სტუდენტთა საგრანტო კონკურსი და მასწავლებელთა გამოცდა ჩატარდება.

შეგახსენებთ, ახალციხეში საგამოცდო პროცესი მეხუთე საჯარო სკოლაში მიმდინარეობს. ტერიტორიაზე მთელი დღის განმავლობაში მობილიზებულია სასწრაფო–სამედიცინო დახმარებისა და საპატრულო პოლიციის სამსახურები. გამოცდის გამო მიმდებარე ტერიტორიაზე გადაადგილება დღის განმავლობაში შეზღუდულია.

ახალციხის საგამოცდო ცენტრში 1000–მდე აბიტურიენტია დარეგისტრირებული. ქვეყნის მასშტაბით კი ეროვნულ გამოცდებს 38 500–ზე მეტი სკოლადამთავრებული აბარებს.

[თინათინ ზაზაძე, ახალციხე]