რა დავალების შესრულება გაუჭირდათ აბიტურიენტებს უცხო ენის გამოცდაში

გამოცდის ორივე სესიაზე ახალციხის საგამოცდო ცენტრში 469 აბიტურიენტი იყო რეგისტრირებული თუმცა 11 არ გამოცხადდა.

როგორც გამოცდიდან გამოსული აბიტურიენტების უმრავლესობა აცხადებს, მათ ყველაზე მეტად დავალების გაკეთება მოსმენაში გაუჭირდათ.

„ტესტი ინგლისურში ვწერე. ვფიქრობ, რომ კარგად დავწერე, მაგრამ მოსმენით დავალების გაკეთება გამიჭირდა. ძალიან სწრაფად საუბრობდა და ძნელად გაარჩევდი რას ამბობდა“, – ამბობს აბიტურიენტი ნინო კაპანაძე და ამატებს, რომ ამ დავალების შესრულება სხვებსაც გაუჭირდათ.

პირველ სესიაზე აბიტურიენტებმა გამოცდა ინგლისურსა და გერმანულში ჩააბარეს. რეგისტრაცია 8:00 საათზე დაიწყო. ახალციხის საგამოცდო ცენტრის მონაცემით რეგისტრირებული 210 აბიტურიენტიდან გამოცდაზე 207 გამოცხადდა.

რაც შეეხება მეორე სესიას, აბიტურიენტები გამოცდას ინგლისურსა და რუსულში აბარებ. რეგისტრაცია 14:00 საათზე დაიწყო. ახალციხის საგამოცდო ცენტრის ინფორმაციით ინგლისურ ენაში რეგისტრირებული 218 აბიტურიენტიდან გამოცდაზე 214 გამოცხადდა, ხოლო რუსულ ენაში რეგისტრირებული 52 აბიტურიენტიდან გამოცდაზე 48 მივიდა.

ერთიანი ეროვნული გამოცდები ხვალ, 12 ივლისს გეოგრაფიაში ჩატარდება.



[მარიამ, ბარძიმაძე, ახალციხე]