პროფესიული უნარების გამოცდაზე 154 მასწავლებელი არ გამოცხადდა

პირველ სესიაზე მასწავლებლებმა გამოცდა პროფესიულ უნარებში დაწერეს. რეგისტრაცია 08:00 საათზე დაიწყო. რეგისტრირებული 366 მასწავლებლიდან 212 გამოცხადდა. გამოცდა 5 საათის განმავლობაში მიმდინარეობდა.

მეორე სესიაზე, მათემატიკის გამოცდაზე რეგისტრირებული 141 აბიტურიენტიდან ყველა გამოცხადდა. რეგისტრაცია 15:00 საათზე დაწიყო. მათემატიკის გამოცდის ჩასაბარებლად აბიტურიენტებს დრო 3 საათი და 30 წუთი აქვთ.

როგორც ახალციხის საგამოცდო ცენტრის ხელმძღვანელი გელა მაისურაძე ამბობს, გამოცდები მშვიდ ვითარებაში მიმდინარეობს.

შემდეგი გამოცდა 16 ივლისს ჩატარდება. აბიტურიენტები გამოცდას გეოგრაფიაში ორ სესიად დაწერენ.

[მარიამ ბარძიმაძე, ახალციხე]