უნარების გამოცდა დასრულდა – 1208–დან გამოცდაზე 39 არ გამოცხადდა

ზოგადი უნარების გამოცდა 4–5 ივლისს მიმდინარეობდა. გუშინ, 4 ივლისს, გამოცდაზე დარეგისტრირებული 609 აბიტურიენტიდან, 29 არ გამოცხადდა. დღეს კი ორივე სესიაზე 599 აბიტურიენტი იყო დარეგისტრირებული და 10 მათგანი არ გამოცხადდა.

ზოგადი უნარების გამოცდა 3 საათისა და 15 წუთის განმავლობაში მიმდინარეობდა. გამოცდიდან გამოსული აბიტურიენტები ამბობენ, რომ ტესტები რთული იყო.

„განსაკუთრებით მათემატიკური ნაწილი გამიჭირდა, მაგრამ იმედი მაქვს, გამსვლელ ქულებს ავიღებ“, – გვეუბნება გამოცდიდან გამოსული ერთ–ერთი აბიტურიენტი.

როგორც ახალციხის საგამოცდო ცენტრში განმარტავენ, ორივე დღის განამვლობააში გამოცდამ ექსცესების გარეშე ჩაიარა.

ამ გამოცდით ზოგადი უნარების გამოცდა დასრულდა. ხვალიდან, 6 ივლისიდან გამოცდები უცხო ენებში დაიწყება.

შეგახსენებთ, ახალციხეში სგამოცდო პროცესი მეხუთე საჯარო სკოლაში მიმდინარეობს. ტერიტორიაზე მთელი დღის განმავლობაში მობილიზებულია სასწრაფო–სამედიცინო დახმარებისა და საპატრულო პოლიციის სამსახურები. გამოცდის გამო მიმდებარე ტერიტორიაზე გადაადგილება დღის განმავლობაში შეზღუდულია.

[ლუბა გიორგაძე, ახალციხე]