აბიტურიენტები გამოცდებს უცხო ენებში აბარებენ

აბიტურიენტებმა ერთიან ეროვნულ გამოცდაზე რეგისტრაცია დღეს, 10 ივლისს უცხო ენებში გაიარეს.

მათ გამოცდები ინგლისურ, რუსულ და ფრანგულ ენებში ჩააბარეს. პირველ სესიაზე რეგისტრაცია დილის 08:00 საათზე დაიწყო, ახალციხის საგამოცდო ცენტრის მონაცემებით ინგლისურ ენაში, პირველ სესაზე რეგისტრირებული 197 აბიტურიენტიდან 5 მათგანი არ გამოცხადდა, ხოლო რუსულ ენაში რეგისტრირებული 75 აბიტურიენტიდან - 3.

რაც შეეხება მეორე სესიას, აბიტურიენტთა რეგისტრაცია 14:00 საათზე დაიწყო, ინგლისურ ენაში რეგისტრურებული 195 აბიტურიენტიდან გამოცდაზე 2 არ მივიდა. ფრანგული ენის გამოცდაზე კი რეგისტრირებული მხოლოდ ორი აბიტურიენტი იყო და გამოცდა ორივემ ჩააბარა.

ახალციხის საგამოცდო ცენტრის კოორდინატორის გელა ინასარიძის თქმით, დღეს საგამოცდო პროცესმა მშვიდ ვითარებაში ჩაიარა.

აბიტურიენტების უმრავლესობა აცხადებს, რომ საგამოცდო საკითხები რთული არ იყო. მათი თქმით, მარტივი დავალებები ჰქონდათ შესასრულებელი და თავი კარგად გაართვეს.

ერთიანი ეროვნული გამოცდები ხვალ, 11 ივლისს ისევ უცხო ენებში გაგრძელდება.

2017 წლის ერთიანი ეროვნული გამოცდები 27 ივლისს დასრულდება. გამოცდების ნაწილი ორ, ნაწილი კი ერთ სესიად ჩატარდება.









[ლუბა გიორგაძე, ახალციხე]