ახალციხეში, თბილისის ქუჩაზე, სასმელი წყალი ასფალტზე გადმოდის

თბილისის ქუჩის მცხოვრებლები ამბობენ, რომ უბანში სასმელი წყლის სიტემა დაზიანებულია. რამდენიმე დღის წინ „წყალმომარაგების კომპანიის“ წარმომადგენლებმა სისტემა შეაკეთეს, თუმცა ქუჩაზე წყალი მაინც გადმოდის.

„მესამე დღეა ასე ამოდის,მთელს ქუჩაზე ჩაედინება და სად მიდის კაცმა არ იცის“, -ამბობს, თბილისის ქუჩაზე მცხოვრები მაია დალალიშვილი და ამატებს, რომ დახეთქილ წყლის მილებში მტვერი ჩადის და სასმელი წყალი ბინძურდება.

„საქართველოს გაერთიანებული წყალმომარაგების კომპანიაში“ სასმელი წყლის მილის დაზიანების შესახებ „სამხრეთის კარიბჭესგან“ შეიტყვეს. ამის შემდეგ გავიდნენ კომპანიის თანამშრომლები შემთხვევის ადგილზე. ადგილზე მისულებმა კი განაცხადეს, რომ სისტემის დაზიანებულ წერტილს ხვალ დილით შეაკეთებენ.

თბილისის ქუჩა სწორედ ის დასახლებაა, სადაც მიმდინარე წლის 18 ივნისს, წაყლმომარაგების კომპანიის მიერ ამოთხრილ ორმოში, 8 წლის ბავშვი ჩავარდა და სახე დაიზიანა.








[ლუბა გიორგაძე, ახალციხე]