ორბელიანის ქუჩაზე სასმელი წყლის მილი დაზიანდა

ორბელიანის ქუჩის მცხოვრებლები ამბობენ, რომ გზაზე ამოთხრილი ორმო, სავალ ნაწილს ავიწროებს და მანქანებს გადაადგილებაში ხელს უშლის. მათივე განმარტებით, წყალმომარაგების კომპანიამ სამუშაოები დაგვიანებით, ხუთი დღის შემდეგ დაიწყო.

"ხუთი დღის განმავლობაში, დაზიანებული მილიდან წყალი ასფალტზე ამოდიოდა, არავინ მოსულა მის შესაკეთებლად, ასეთი არაფერი მინახავს. წყალი მთელს ქუჩაზე იღვრებოდა“, – ამბობს ქუჩის მცხოვრები ასია თალაკვაძე.

საქართველოს გაერთიანებული წყალმომარაგების კომპანიამ წყლის მილის შეკეთება 14 მაისს დაიწყო. მათი განმარტებით, იმის გამო, რომ მოსახლეობას წყლით მომარაგებაში ხელი არ შეეშალოს, სამუშაოები დღეს, 15 მაისს, საღამოს 18:00 საათის შემდეგ განახლდება და დღის ბოლომდე დასრულდება – "გუშინ გათხარეს და დღის ბოლომდე შეაკეთებენ" – ამბობენ კომპანიაში.



[მარიამ ბარძიმაძე, ახალციხე]