ახალციხეში, თამარაშვილის ქუჩაზე დაზიანებულ წყლის მილს ხვალ შეაკეთებენ

თამარაშვილის ქუჩაზე წყლის მილი უკვე მეორე დღეა დაზიანებულია, ამის გამო წყალი ქუჩაზე ამოდის და მიმდებარე ტერიტორიაზე მიედინება. აღნიშნული ფაქტის შესახებ საქართველოს გაერთიანებული წყალმომარაგების კომპანიაში "სამხრეთის კარიბჭესგან" შეიტყვეს. საზოგადოებასთან ურთიერთობის სამსახურში განმარტავენ, რომ ტექნიკური ჯგუფი ადგილზე გავიდა.

"დაზიანებულია პოლიეთილენის ქსელის დაერთების ადგილი. კომპანიის ტექნიკური ჯგუფი ადგილზე გაეცნო ვითარებას, ხვალ დილიდან დაიწყებენ აღდგენით სამუშაოებს და ხვალვე აგადგენენ დაზიანებას", – ამბობს საქართველოს გაერთიანებული წყალმომარაგების კომპანიის საზოგადოებასთან ურთიერთობის სამსახურის წარმომადგენელი ნინო რამიშვილი.

მისივე თქმით, მილის დაზიანებას მოსახლეობისთვის წყლის მიწოდება არ შეფერხებულა.

[თამარ თოთაძე, ახალციხე]