ანა დოლიძემ თანამდებობა დატოვა

თავდაცვის სამინისტროში ამ ინფორმაციას ადასტურებენ. პრესსამსახურში აცხადებენ, რომ მან უკვე დაწერა განცხადება გადადგომის შესახებ და სხვა სამსახურში მიდის.

გავრცელებული ინფორმაციით, ანა დოლიძე მუშაობას პრეზიდენტის ადმინისტრაციაში გააგრძელებს.

ანა დოლიძე თავდაცვის მინისტრის მოადგილედ 2015 წლის მაისში დაინიშნა.

ანა დოლიძე 2004-2006 წლებში საქართველოს ახალგაზრდა იურისტთა ასოციაციის თავმჯდომარე იყო. არის იურიდიულ მეცნიერებათა დოქტორი. 2013 წელს გახდა დასავლეთ ონტარიოს უნივერსიტეტის სამართლის ასისტენტ-პროფესორი. ლექციებს კითხულობდა მსოფლიოს სხვადასხვა უნივერსიტეტებში, მათ შორის ბერკლის, კემბრიჯის, ოქსფორდის, ტორონტოს, მაკგილის, დიუკის უნივერსიტეტებში ასევე კომპლუტენსეს უნივერსიტეტში მადრიდში, სორბონის უნივერსიტეტსა და ნიუ-იორკის შტატის ელმირას სასჯელაღსრულებით დაწესებულებაში.

ანა დოლიძე, როგორც მკვლევარი, მუშაობდა კოლუმბიის უნივერსიტეტში, ნიუ-იორკის უნივერსიტეტში, სტენფორდის უნივერსიტეტში, ტრანსატლანტიკურ აკადემიაში. არის მრავალი აკადემიური და პოლიტიკური ნაშრომის ავტორი საერთაშორისო სამართლის, გარდამავალი მართლმსაჯულებისა და ყოფილ საბჭოთა კავშირის თემატიკაზე.

[sknews.ge]