საკადრო ცვლილებები უნივერსიტეტში

ახალციხის სახელმწიფო სასწავლო უნივერსიტეტში განცხორციელებული საკადრო ცვლილებების თანახმად, ხარისხის უზრუნველყოფის სამსახურის უფროსმა ქეთევან გრძელიშვილმა თანამდებობა სახელშეკრულებლო ვადის ამოწურვის გამო დატოვა, მის მოვალეობას დროებით განათლების, ჰუმანიტარულ და სოციალურ მეცნიერებათა ფაკულტეტის უკვე ყოფილი დეკანი, მაკა კაჭკაჭიშვილი ასრულებს. ხოლო აღნიშნული ფაკულტეტის დეკანის მოვალეობის შემსრულებლად კი ამავე ფაკულტეტის ხარისხის მართვის სპეციალისტი მერი სახამბერიძე დაინიშნა.

ცვლილებები განხორციელდა იურიდიულ ფაკულტეტზეც. ფაკულტეტის დეკანის მოვალების შემსრულებელმა რევაზ კაჭკაჭიშვილმა თანამდებობა პირადი განცხადების საფუძველზე დატოვა. მისი ადგილი კი დროებით ეკატერინე ნინუამ დაიკავა.

ახალციხის სახელმწიფო სასწავლო უნივერსიტეტის რექტორის, თინა გელაშვილის თქმით უნივერსიტეტი ავტორიზაციისთვის ემზადება, ამიტომ ამ ატაპზე განხორციელებული საკადრო ცვლილებები დროებითია და კანდიდატების დანიშვნა აკრედიტაციის გავლის შემდეგ მოხდება.

[თამარ თოთაძე, ახალციხე]