ახალციხის რაიონული სასამართლოს თავმჯდომარედ გია ბერაია დაინიშნა

ამ დრომდე ახალციხის რაიონული სასამართლოს თავმჯდომარის მოვალეობას, მოსამართლე გიორგი ლონდარიძე ასრულებდა.

გია ბერაია ახალციხის რაიონულ სასამართლოში 2009 წლიდან მუშაობს.



იგი 1970 წლის 3 ივლისს ჩოხატაურში, სოფელ საჭამიასერში დაიბადა.

1987 წელს დაამთავრა ამავე სოფლის საშუალო სკოლა. 1988-1990 წლებში მსახურობდა საბჭოთა კავშირის შეიარაღებულ ძალებში.

1997 წელს დაამთავრა საქართველოს განათლების სამინისტროს ქუთაისის სამართლისა და ეკონომიკის უნივერსიტეტის იურიდიული ფაკულტეტი.

2000-2004 წლებში მუშაობდა საქართველოს შინაგან საქმეთა სამინისტროს ვანის შს რაიგანყოფილებაში. მინიჭებული აქვს პოლიციის ლეიტენანტის წოდება.

2004-2005 წლებში მუშაობდა ადვოკატად, იყო საქართველოს ადვოკატთა ასოციაციის წევრი.

2005 წლის 28 ნოემბრიდან 2006 წლის 20 თებერვლამდე მუშაობდა სასჯელაღსრულების დეპარტამენტის ქუთაისის მერვე დაწესებულების ადამიანური რესურსების მართვის უფროს ინსპექტორად.

2006-2009 წლებში იყო ხარაგაულის რაიონული სასამართლოს მოსამართლე და მივლინებით მუშაობდა ბორჯომის რაიონული სასამართლოს მოსამართლედ, 2008 წლიდან კი ამავე სასამართლოს თავმჯდომარედ.

2009 წლიდან არის ახალციხის რაიონული სასამართლოს მაგისტრატი მოსამართლე ბორჯომის მუნიციპალიტეტში.

2011-2012 წლებში კითხულობდა ლექციას სამცხე-ჯავახეთის სახელმწიფო უნივერსიტეტში.

2016 წლის თებერვლიდან არის ახალციხის რაიონული სასამართლოს მოსამართლე.

[sknews.ge]