სამი ღამეა რუსთაველის ქუჩა ჩაბნელებულია

რუსთაველის ქუჩისა და ე.წ „ატრიადის“ მაცხოვრებლები ამბობენ, რომ გარე განათება გამორთულია და არამხოლოდ ცენტრალური ქუჩები, ჩაბნელებულია კორპუსების ეზოებიც.

„არ ვიცით რატომ, არავის უთქვამს, რომ უნდა გამორთულიყო“, - ამბობს ადგილობრივი ელენე გარსკოვი.

ახალციხის მერიაში ქუჩაზე გარე განათების გამორთვას, ლამპიონებისა და ელექტროქსელების შეცვლას უკავშირებენ.

„მასშტაბური სამუშაოები მიმდინარეობს, იცვლება განათების ბოძები და ქსელები, ამიტომ სახვადასხვა ადგილებზე გადართვები ხდება და გარე განათება ითიშება“, - ამბობენ მერიაში.

როგორც ადგილობრივ თვითმართველობაში განმარტავენ, სამუშაოები რუსთაველის ქუჩაზე მიმდინარეობს. როდის დასრულდება სამუშაოები, ჯერ უცნობია.



[ლუბა გიორგაძე, ახალციხე]