ერთ კვირაზე მეტია, ივანე ახალციხელის ქუჩა ჩაბნელებულია

დასახლებაში ამბობენ, რომ გარე განათება დაახლოებით 10 დღის წინ გამოირთო და მას შემდეგ ქუჩა ჩაბნელებულია.

„მეზობლებმა დარეკეს მერიაში, მოვიდნენ და აკეთებდნენ, მაგრამ ჯერ კიდევ არაა განათება ჩვენთან“,– ამბობს ივანე ახალციხელის ქუჩის მცხოვრები ქეთინო იველაშვილი.

შპს „კეთილმოწყობის სამსახურის“ უფროსი გიორგი ლონდარიძე განმარტავს, რომ განათება ავარიის შედეგად გაითიშა: „თივით დატვირთულმა მანქანამ ისე გაიარა, რომ სერიოზულად დააზიანა გარე განათება. ბიჭებმა იმუშავეს, მაგრამ ისევ რაღაც ავარია მოხდა და დღესაც აკეთებენ“.
ლონდარიძე ვარაუდობს, რომ დაზანების შეკეთება დღეს დასრულდება და დასახლებაში განათება ჩაირთვება.

[მარიამ ბარძიმაძე, ახალციხე]