ახალციხეში ჯგუფ 'გამოუვალი მდგომარეობის' კონცერტი დასრულდა [Photo]

კონცერტი დაახლოებით საათნახევრის განმავლობაში მიმდინარეობდა. საღამოს არ დასწრებიან საჯარო სამსახურების თანამშრომლები, კონკრეტულად, კონცერტზე არავინ იყო სამცხე–ჯავახეთის სამხარეო ადმინისტრაციიდან, ქალაქის მერიიდან და ახალციხის გამგეობიდან.
თუმცა, კონცერტზე მრავლად იყვნენ სამართალდამცავი უწყებების წარმომადგენლები. მათ შორის, ბევრი სამოქალაქო ფორმით.

"ემოციებისგან დატვირთული ვარ. მნიშვნრლოვანი იყო ამ ხალხისთვის კონცერტის ჩატრება. ახლა კიდევ უკეთ ვხვდები, ადგილობრივ ხელისუფლებას რა უბადრუკი მცდელობა ჰქონდა. ეს არაა ბოლო, ჩვენ კიდევ ჩამოვალთ. ყველაფერი კარგია, რაც კარგად მთავრდება", – განაცხადა კონცერტის დასრულების შემდეგ პლატფორმა "დაიცავი თავისუფლებას" ერთ–ერთმა აქტივისტმა თამარ ჩერგოლეიშვილმა.

კონცერტის მიმდინარეობისას არ ყოფილა პოლიტიკური მოწოდებები, არც გზა გადაკეტილა.

შეგახსენებთ, კონცერტის გამართვას წინ ფართის გამოყოფის თაობაზე შეფერხებები უძღოდა. ეს იყო ახალციხის ციხის ადმინისტრაციის მხრიდან იჯარის გაზრდა 300–დან 5000 ლარამდე; შემდეგ მერიისგან მიღებული წერილობით უარი, კონცერტის თეატრის წინ გამართვაზე და თეატრის ადმინისტრაცის განცხადება, რომ კონცერტი ამ საღამოს დაგეგმილ სპექტაკლს შეაფერხებდა. მოგვიანებით, მერის მოვალეობის შემსრულებელმა განაცხადა, რომ მისი წერილი არასწორად გაიგეს, კონცერტს არავინ ეწინააღმდეგებოდა; თეატრსა და პლატფორმას შორის ღონისძიებების ჩატარება დროში შეთანხმდა, მეტიც, პლატფორმის აქტივისტებმა თავად იყიდეს 200 ბილეთი, რომ პრემიერა არ ჩავარდნილიყო და სპექტაკლის დასრულების შემდეგ კონცერტიც დაიწყო.














ვანო მერაბიშვილის მშობლები



[ნინო ნარიმანიშვილი, ვარლამ წიკლაური, ახალციხე]