სპექტაკლიც და კონცერტიც – ხალხი პრემიერაზე პლატფორმამ დაპატიჟა

ვიდრე რუსული პროპაგანდის წინააღმდეგ მიმართული კონცერტი დაწიყებოდა, კონცერტის ორგანიზატორებმა თეატრის ადმინისტრაციასთან იმის გარკვევა სცადეს, ხომ არ უშლიდა ხელს მათი სცენა და დაგეგმილი კონცერტი სპექტაკლს.

მას შემდეგ, კი, რაც თეატრის ადმინისტრაციამ განაცხადა, რომ კამპანია სპექტაკლის ჩატარებას აფერხებდა, პლატფორმა „დაიცავი საქართველოს“ აქტივისტებმა 200 ბილეთი იყიდეს, კონცერტის საყურებლად შეკრებილ ახალგაზრდებს დაურიგეს და სპექტაკლზე დასწრება სთხოევს.

„იმის გამო, რომ 7 საათზე სპექტაკლი იყო, ადმინისტრაციას მოველაპარაკეთ, ვკითხეთ, რა რაოდენობის ბილეთების გაყიდვას ელოდებოდნენ და ხელს ხომ არ შევუშლიდით. ერთადერთი რაზეც დაიწუწუნეს, მაყურებელს წაგვართმევთო. ვკითხეთ, საშუალოდ რამდენი ბილეთის გაყიდვას ელოდნენ, გვითხრეს, პრემიერის შემთხვევაში დაახლოებით 200, ისე, 50–60–სო. ვიყიდეთ 200 ბილეთი, დავურიგეთ ხალხს და სპექტაკლი რომ დასრულდება, მერე დაიწყება კონცერტი“, – ამბობს „დაიცავი საქართველოს“ ერთ–ერთი აქტივისტი თამარ ჩერგოლეიშვილი.
„დაცავი საქართველომ“ ერთ ბილეთში 3 ლარი გადაიხადა.

რამდენი ბილეთი გაიყიდა ჯამში სპექტაკლისთვის, „სამხრეთის კარიბჭემ“ თეატრის სალაროში გადაამოწმა. სალაროში განაცხადეს, რომ სულ 200 ბილეთია გაყიდული. დარბაზში დაახლოებით 120 ადამიანი ზის. სპექტაკლი რამდენიმე წუთში დაიწყება.

შეგახსენებთ, დღეს, 19:00 საათზე, მესხთის თეატრში, პრემიერა „უსახელო ვარსკვლავი“ იმართება.

სპექტაკლის დასრულების შემდეგ დაიწყება „გამოუვალი მდგომარეობის“ კონცერტი, რომელიც ლიტვის საელჩოს დაფინანსებით იმართება და ანტიდასავლური პროპაგანდის წინააღმდეგაა მიმართული.

[sknews.ge]