'გაუმარჯოს თავისუფლებას' – ახალციხეში კონცერტი დაიწყო

კონცერტის დაწყებამდე, შეკრებილებს, რუსული პროპაგანდის წინააღმდეგ დაწყებული კამპანიის ერთ–ერთმა აქტივისტმა თამარ ჩერგოლეიშვილმა მიმართა.

„გუშინ გამომაფხიზლეს და დამაბრუნეს რეალობაში... მაგრამ მე არ ვაპირებ აქ პრობლემებზე ლაპარაკს, იმიტომ, რომ გამოუვალი მდგოამრეობა არ არსებობს. ჩვენ აქ ვიმყოფებით ერთი კამპანიის ფარგლებში, რომელსაც ჰქვია „დაიცავი თავისუფლება“. ჩვენ გვჯერა, რომ ჩვენი კეთილდღეობა, ჩვენი წინსვლა შესაძლებელია მაშინ, როცა ჩვენ და ჩვენი ქვეყანა ვართ თავისუფლები. გაუმარჯოს თავისუფლებას და გახსოვდეთ, რომ გამოუვალი მდგომარეობა არ არსებობს“, – მიმართა ჩერგოლეიშვილმა კონცერტის საყურებალდ შეკრებილ ადგილობრივებს.
მანვე მადლობა გადაუხადა ლიტვის საელჩოს, რომლის ფინანსური მხარდაჭერითაც იმართება ახალციხეში „გამოუვალი მდგომარეობის“ კონცერტი.
ჩვენ კიდევ ჩამოვალთ, ცოტას დაგელაპარაკებით, ბევრს მოგისმენთ და უფრო მეტს გავერთობით“, – განაცხადა პლატფორმა „დაიცავი თავისუფლების“ აქტივისტმა თამარ ჩერგოლეიშილმა.

შეგახსენებთ, კონცერტის გამართვას წინ ახალციხის ციხესა და მერიასთან შექმნილი დაბრკოლებები უძღოდა წინ.

კონცერტი ახალციხის ცენტრალურ პარკში, თეატრის მიმდებარე ტერიტორიაზე იმართება. საღამო მას შემდეგ დაიწყო, რაც მესხეთის თეატრში პრემიერა დასრულდა.

„სამხრეთის კარიბჭეს“ რეპორტიორების ინფორმაციით, პარკის მიმდებარე ტერიტორიაზე სამცხე–ჯავახეთის პოლიციის დეპარტამენტის პირველი პირები იმყოფებიან.

შეკრეილებს შორისაა ყოფილი შსს და პრემიერ–მინისტრის, ვანო მერაბიშვილის მამა, სერგო მერაბიშვილი.





[sknews.ge]