აწყურში სარეაბილიტაციო სამუშაოები დაიწყო

აწყურის ტაძრში არქეოლოგიურ გათხრებსა და ციხის რეაბილიტაციაზე ათობით ადამიანი მუშაობს. როგორც კულტურული მემკვიდრეობის დაცვის ეროვნული სააგენტოს ხელმძღვანელი ნოკოლოზ ანთიძე „სამხრეთის კარიბჭესთან“ აცხადებს, ტაძრის მიმდებარე ტერიტორიაზე არქეოლოგიური გათხრებიც აქტიურად მიმდინარეობს და ეს პროცესი დაახლოებით ორ თვეს გაგრძელდება.

გათხრების დასრულების შემდეგ მიმდინარე წელს ტაძარში მცირე რეკონსტრუქციული სამუშაოები ჩატარდება, მასშტაბური სარეაბილიტაციო სამუშაოები კი მომავალ წელს დაიწყება.

„ასევე ძალიან მნიშვნელოვანია ის, რომ მოსახლეობას ციხის ჩამოშლის გამო საფრთხე აღარ ემუქრება. აქ კედლები გამაგრდება“, – ამბობს ანთიძე.

მიმდინარე წელს აწყურის ციხეზე ჩამოშლილი სამხრეთ კედლის გაწმენდითი სამუშაოები დასრულდება. აქ სპეციალურად მონტაჟდება საბაგირო, რომლის საშუალებითაც კედლიდან ჩამონგრეულ ქვებს ქვევით ჩამოიტანენ და უკვე გაწმენდილ მდგომარეობაში დაუბრუნებენ პირვანდელ ადგილს.



[sknews.ge]