ბავშვთა უფლბების დაცვის დღე ბორჯომში

ბორჯომში, ბავშვთა დაცვის საერთაშორისო დღისადმი მიძღვნილი ღონისძიებები დილის11:00 საათიდან დაიწყო.

პატარებს ბორჯომის თოჯინების სახელმწიფო თეატრმა უმასპინძლა. მსახიობებმა ბავშვებისათვის სპექტაკლი „ბაყაყუნა ბალერუნა“ ითამაშეს. წარმოდგენა მთავარი გმირის ბაყაყუნას თავგადასავალს მოგვითხობს. სპექტაკლზე დასწრება უფასო იყო.

გარდა ამისა, ქალაქის ცენტრალურ მოედანზე, პატარა მხატვრებისათვის მოეწყო ფანჩატურები, სადაც სკოლის მოსწავლეებსა და დღის ცენტრის ბენეფიციარებს შეეძლოთ დაეხატათ და მეგობრებთან ერთად დრო სასიამოვნოდ გაეტარებინათ.

ზეიმზე მოსული ბავშვების განწყობაზე იზრუნეს ასევე ზღაპრის გმირებმა, რომლებიც პატარებთან იღებდნენ ფოტოებს და ფერადი ბუშტებით ასაჩუქრებდნენ მათ.

გაიმართა ასევე ფეისარტი, ღონისძიების ბოლოს კულტურის სამსახურის უფროსმა მარინა ხუჯაძემ და მამა იოანემ ზეიმში მონაწილე სპეციალური საჭიროების მქონე ბავშვები საჩუქრებით დააჯილდოვეს.








[sknews.ge]