თოჯინების თეატრის წარმოდგენა 'ახალციხის ციხეზე'

თოჯინების თეატრში სპექტაკლი 14:00 საათზე დაიწყო.

„სპექტაკლი მეგობრობაზე, ერთგულებაზე და სიყვარულზეა. პატარებისთვის დღევანდელ დღეს სპექტაკლის ნახვა უფასოა“, – ამბობს მაია მოდებაძე.

თოჯინების თაეატრში სპექტაკლი 30 წუთის განმავლობაში მიმდინარეობდა.

„ძალიან მომეწონა წარმოდგენა, განსაკუთრებით მომეწონა პატარა თეთრი ცუგა“, – ამბობს 4 წლის მარიამ მაჩაიძე.

შეგახსენებთ, რომ საქართველოს დამოუკიდებლობის დღისადმი მიძღვნილი სხვადასხვა სახის ღონისძიებები ახალციხეში დილიდან მიმდინარეობს. უკვე ჩატარდა შეჯიბრი მძლეოსნობაში, რომელშიც გამარჯვება მესამე სკოლის მოსწავლეებმა მოიპოვეს.ასევე, გაიმართა ბაიკერების წარმოდგენა.

სადგურის მიმდებარე ტერიტორიაზე დილიდან გამოფენილია ლეიტენანტ შოთა ხურციძის სახელობის ჯავშანსატანკო სასწავლო ცენტრის საბრძოლო ტექნიკა და აღჭურვილობა. მსურველებს მათი დათვალიერების და ფოტოების გადაღების საშუალება 18:00 საათამდე ექნებათ.



[თინათინ ზაზაძე, ვარლამ წიკლაური, ახალციხე]